pre-pharmacy year

مذكرة نبسيط مواد اعدادي

إهداء

إلى من سهروا الليالى … وبذلوا الجهد ليكونوا صيادلة المستقبل

إلى من يحملون مشاعل الأمل لينيروا به الطريق … ويصنعون بجهدهم وعلمهم المجد لهذه الأمة

إلى جيل إيمانه بالله لا يتزعزع … وثقته فى الله لا تضعف … وعمله لا يتوقف

إلى أحباب رسول الله … وتلامذة ابن سينا … وأحفاد ابن النفيس

نقدم هذه المذكرة

مقدمة

بعد الحمد لله والصلاة والسلام على رسول الله

أكيد وإنت داخل الكلية بتدور فى ذهنك أسئلة كتير… من نوعية:هى الدراسة ماشية إزاى؟ هى إيه حكاية المحاضرات والسكاشن دى؟

هو إيه نظام العملى؟ هو صحيح مش لازم أحضر ولا محاضرة؟

طب الامتحان بييجى إزاى؟

هو فعلا أى حد يخش إعدادى صيدلة لازم يتبهدل؟

هو إيه النظام؟!!!!!!

ولذلك… حبينا نعمل المذكرة دى عشان نجاوب على الأسئلة دى.

لازم تعرف فى الأول إنك فى إعدادى عندك خمس مواد: الكيمياء والفيزياء والنبات والحيوان واللغة وكل مادة بتنقسم لفرعين أو ثلاثة وكل فرع ليه الدكتور بتاعه.

ودلوقتى… لشرح المواد….

الكيمياء

نبتدى بمادة الكيميا و ده حتبقى لعبتنا فى صيدلة و مادتنا الأساسية ،على أساس إننا كيميائيين وصيادلة ، و تنقسم الكيمياء لثلاثة فروع:

1-الكيمياء الغير العضوية Inorganic :

وده أكبر قسم عليه 1\2 الدرجة (المفترىىىىى) و بندرس فيه 4 أبواب رئيسية:

-Measurement Units وحدات القياس.

-Chemical Stoichiometry.

-Quantum Theory & Structure of Atom

-Electronic Structure & Periodic Table

وكل هذه الفصول قد درسنا بعضها فى الثانوية العامة.

2-الكيمياء العضوية Organic.

وهى مشابهة أيضا إلى حد كبير بالثانوية العامة و ندرس فيها:

1-مقدمة فى العضوية .

2-Alkane,Alkene,Alkyne & Alkyl halide .

وندرس فى كل مجموعة طريقة تسميتها عن طريق الأسماء الإعتيادية common name أو حسب طريقة IUPAC وطرق تحضير كل مجموعة و تفاعلاتها.

3-الكيمياء الفيزيائية Physical Chemistry:

وتنقسم إلى فصلين

-Gases الغازات:

وندرس فيها الغازات و قوانينها و المولات و كثير منها درسناها فى الثانوية العامة.

-Solids&Liquids السوائل و الجمادات:

ندرسهم بصورة موسعة بكتييييييير و أسلوب و قوانين جديدة.

خللى بالك:

– اكتب ورا الدكتور فى الPhysical والOrganic لإن الامتحان لا يخرج من محاضراتهما

– الOrganic سهل لكن مشكلته إن معادلاته كتيرة ونصيحة بجد… ذاكر أول بأول

بالنسبة للعملى:

فهو سهل جدا و جميل جدا و حتحبوه جدا جدا

لأنك تقريبا أول مرة حتقف فى معمل (على أساس إن مدارسنا الخربانه كان ما فيهاش معامل) و أول مرة حتمسك أنبوبة اختبار و تضع بداخلها المواد الكيميائية المختلفة و الكلام ده كله.

بص يا سيدى إنت عارف إن أى ملح عبارة عن شقين مثلا (NaCl):

شق حامضى ACIDIC RADICAL >>>>> Cl

شق قاعدى BASIC RADICAL>>>>>> Na

إنت حتاخد الأول كيفية التعرف على ACIDIC RADICAL فقط ثم ستمتحن العملى فيه (بيدوك ملح فى كيسة -استغفر الله العظيم- معفنة ….. و اتصرف إنت) وبعدين حناخد BASIC RADICAL و حتمتحن فيها برضه.

وبعدين حتمتحن فيهم هما الاتنين مع بعض،بمعنى إنك ستعرف الملح كله.

وعلى فكرة كل امتحان عملى بيبقى معاه امتحان نظرى العملى ، مين؟!!!

ما تخافش حيدوك ورق تذاكر منه يا إما حتشتريه من المكتبة…وده بيبقى امتحان بسيط غالبا اختيارات أو صح أم خطأ

ولاحظ إن عملى الكيمياء هوه الوحيد اللى بتحضره فى مبنى طريق الحرية ، فى الدور الثالث الترم الأول و التانى الترم التانى.

نظام الامتحان:

فى النظرى بيبقى فيه MID TERM فى الفروع كلها مع بعض فى يوم واحد بيتحدد مع الدكاترة ، و امتحان الترم بيتحدد و بينزل فى جداول ، و النظرى كله عليه 100 درجه.

فى العملى اتكلمنا عنه بمجموع ثلاث امتحانات عملى و مثلهم نظرى عملى و العملى كله عليه 50 درجة. يعنى العملى و نظرى العملى 50 درجة… يا بلاش.

150 درجة ترم اول و 150 ترم تانى

يعنى 300 درجه كيمياء بس يا بلااااش.

وفى الآخر

ذاكروا كويس و حلوا امتحانات كتير و الامتحانات بتيجى فى الغالب زى السنوات السابقة و لكن استعدوا جيدا و خلى الدكتور يحط اللى هو عايزه أصل إحنا جامدين اوىىىىىى.

وهناك بعض الكلمات التى قد تساعدك على فهم المادة

INORGANIC

spectrum طيف active فعال-نشيط

acceptor مستقبل actual حقيقى

accuracy دقة addition إضافة

activation تنشيط alkali قلوى

strength قوة analysis تحليل

molecule جزئ aqueous مائى

atom ذرة atomic mass الكتلة الذرية

atomic number العدد الذرى structure تركيب

attraction جذب basic قاعدى

catalyst عامل حفاز cathode المهبط-القطب السالب

cation أيون موجب charge شحنة

complex معقد compound مركب

concentration تركيز covalent bond الرابطة التساهمية

dilution تخفيف dipole ثنائى القطب

element عنصر equation معادلة

equilibrium اتزان formula صيغة

intermolecular بين الجزيئات ion أيون

ionization تأين isomer الشبيه

isotopes النظائر mass كتلة

molecular weight الوزن الجزيئى particle جسيم

periodic table الجدول الدورى organic عضوى

oxidizing agent عامل مؤكسد purification تنقية

radiation إشعاع receive مستقبل

range مدى reducing agent عامل مختزل

rate معدل residual باق-متبقى

stable مستقر transitional element عناصر انتقالية

unstable غير مستقر value قيمة

valency تكافؤ

Organic

hydration تميئ hydrolysis تحليل مائى

bond رابطة dissociation تفكك

endothermic ماص للحرارة exothermic طارد للحرارة

Physical

volume حجم pressure ضغط

definite محدد molecule جزئ

motion حركة random عشوائية

neglect يتجاهل container اناء-محتوى

ideal مثالى law قانون

compressed مضغوط constant ثابت

mixture خليط partial جزئى

fraction كسر theory نظرية

deviation انحراف attraction جذب

analysis تحليل correction تصحيح

purification تنقية solution محلول

solvent مذيب solute مذاب

saturated مشبع inert gas غاز خامل

isothermal ثبات الحرارة surface tension التوتر السطحى

viscosity لزوجة

الفيزياء

الفيزياء مادة سهلة ولذيذة خالص مع إنها تعتبر من أتقل (وليس أصعب) المواد وده لإن الدكاترة يتوعها بيخلوها سهلة وبيشرحوا كويس وكل اللى عليك إنك تحضر المحاضرات وتفهم و تخش الامتحان وإنت مطمن… وبس

والفيزياء تنقسم إلى 3 فروع :خواص المادة و الحرارة و البصريات

Geometrical Optics البصريات – 1

وهى تنقسم إلى 3 فصول:

Reflection & Refraction-

يعنى هندرس انعكاس و انكسار الضوء و إزاى بتتم هذه العمليات و إيه القوانين الخاصة بيهم و بعد كده هندرس بعض التطبيقات الهامة اللى بنستفاد منها فى حياتنا العملية زى النظارات المعظمة و الألياف الضوئية و تفسير بعض الظواهر كالسراب

Image Formation-

الفصل ده كله بيتكلم عن تكون الصور على الأسطح المختلفة مثل المرايا المسطحة و المقعرة و المحدبة و كذلك تكونها فى العدسة المحدبة و المقعرة و كذلك العدسات الرفيعة.

وفى كل مرة هندرس الرسومات اللى توضح تكون الصورة و القوانين و العلاقات التى تحكم وجود الصورة على المرآة من حيث البعد و القرب منها و حجم الصورة و هل هى مقلوبة او معتدلة.

*على فكرة الفصل ده مهم جدا و بييجى منه أسئلة كتيييييييييير فذاكروه كويس.

Optical Instruments-

والواضح من العنوان إننا حنتكلم عن المعدات البصرية مثل الكاميرات و إزاى بتعمل و ما هى مكوناتها ، و حنتكلم بعدها عن العين البصرية و إزاى ربنا عز وجل أبدع فى خلقها و حنتكلم عن بعض الأمراض الخاصة بالنظر مثل بعد و قرب النظر.

وبعد كده هندرس الميكروسكوب البسيط و المركب و الالكترونى و إيه خصائص و مميزات كل واحد منهم و فكرة عمله و القوانين الخاصة بقوة التكبير.

وآخر حاجة هندرس التليسكوب بأنواعه التلاتة و فكرته برده و رسم مبسط عن تكوين الصور.

ياااااااااه كل ده!!!!…استنى هنا أنت رايح فين و العملى

العملى:

حتحضره فى الدور السادس فى مبنى الفيزياء و النبات و ده سكشن لذيذ و سهل جدا بس طويل شوية وتجاربه كتير بس حلوة

Properties of Matterخواص المادة – 2

أو خواص المادة و بيقولوا عليه بعبع الفيزياء مش عارف ليه مع أنه بسيط و كل اللى أنت عايزه إنك تحضر المحاضرات و تفهم كويس جدا و تسأل لو مش عارف و تحل المسائل مع الدكتور…. بس خلاص

وكما يتضح من التقسيمة أن فصول الفرع ده كتير و لكنها بسيطة و لو فهمت كل فصل عاوز إيه حتستريح يعنى مثلا الفصل الأول بيتكلم عن الوحدات و أنواعها و إزاى ممكن نجمعها خصوصا الوحدات التى تأخذ اتجاهات مختلفة.

وبعد كده حنتكلم عن القوة و الحركة و العلاقة بينهم و قانون نيوتن الأول و الثانى و الثالث و تطبيقات على القانون.

وبعدها هندرس ديناميكية الأجسام المتمددة بالتفصيل المشل و التوضيح بأمثلة حية و

ثم الشغل و الطاقة بقوانينهم و خواص المرونة للمواد والعلاقات و القوانين الخاصة بها.

أما بالنسبه للعملى:

فده حتحضره فى الدور الثالث بنفس المبنى و ده لذيذ جدا و حتحبه أوى بس قوانينه بايخة شوية فنصيحة مننا ذاكروه كويس جدا من الاول عشان ما نتزنقش فى الآخر

Heatالحرارة – 3

وكما يتضح من التقسيمة أن الباب ده بيتكون من 4 فصول:

Thermometry-

و بيتكلم عن الأنواع المختلفة للترمومترات و فكره عملها و أنواعها المختلفة و طريقة القياس لكل ترمومتر و العلاقة التى تربطهم

-Calorimetry

وهندرس فيه الحرارة النوعية وأهم الخواص الحرارية للمادة مع كيفية تغيير السعر الحرارى للمواد المختلفة و بعدها معاملات التمدد المختلفة

– Change of phase

يعنى تغير المواد من حالة إلى أخرى

– Heat transfer mechanism

يعنى إزاى الحرارة بتنتقل بالطرق المختلفة عن طريق الإشعاع او التوصيل.

بالنسبه للعملى:

حتحضره فى الدور التالت برده فى نفس المبنى وهوه تقريبا أسهل عملى فى الفيزياء كلها و نصيحة فى السكشن ده بجد….. خللى بالك لهدومك تتحرق!!!!

خلى بالك

فى فرع رابع فى العملى اسمه الكهربية حتاخد النظرى بتاعه فى الترم الثانى بس ممكن تاخد العملى بتاعه فى الترم الاول.

بالنسبة لنظام الامتحان :

حيبقى فى امتحانmid-term نظرى كل الفروع مع بعض فى يوم واحد بيحدده الدكاترة و أخيرا امتحان الترم.

فى العملى ساعات بيبقى ما فيش mid-term وساعات فيه.

ولازم تسأل المعيد وتتابعه و تعرف معاد الامتحان لو فيه ، و فى امتحان الترم بتدخل المعمل و بتسحب ورقة برقم التجربة بتعملها و تكتب النتائج وبعدها بيكتبلك سؤال على السبورة ليه علاقة بالنظرى بتاع عملى الفروع الاخرى غير اللى إنت بتمتحن فيه…

ومعنى كده إنك لازم تذاكر تجارب العملى كلها بمعنى إنك ما ينفعش تنشن و لازم تذاكر القوانين و الرسومات كويس….

يا حلااااااااااوة !!!! و ربنا معاكم..

وده بعض معانى الكلمات التى تساعدك على فهم المادة..

acquire ينال-يكتسب value قيمة

apparatus جهاز angle زاوية

absolute مطلق constant ثابت

properties خواص coefficient معامل

matter مادة capacity السعة

acceleration due to gravity عجلة الجاذبية الارضية cross-sectional area معامل السطح

average متوسط cylindrical أسطوانى

content المحتويات

collision تصادم dimensions أبعاد

continuously باستمرار distributed وزع-قسم

circumference محيط الدائرة displacement إزاحة

cross-section مقطع determine عين-حدد

distance مسافة deduce يستنتج

diameter قطر equilibrium اتزان

error خطأ elasticity مرونة

flow انتقال-سريان formula صيغة قانون

kinetic energy طاقة الحركة leads to يؤدى إلى

length طول linear خطى

loss فقد law قانون

momentum كمية الحركة motion حركة

modulus of rigidity معامل الحركة neglect تهمل

origin منشأ pressure ضغط

quality كمية rate معدل

radius نصف القطر resistance مقاومة

successive متتالى-متتابع substitute يعوض

shifted تغير مكانها units وحدات

analysis تحليل uniform منتظم

thickness سمك-ثخانة velocity السرعة

viscosity لزوجة variable متغيرة

work شغل-عمل energy طاقة

force قوة vector متجه

applications تطبيقات weight وزن

gravity جاذبية mass كتلة

friction احتكاك rotation دوران

centre مركز

الحيوان

الحيوان مادة جميلة وممتعة وبتدرس اشياء مفيدة والمادة دى شبيهة الي حد كبير بالثانوية العامة وبتنقسم إلي فرعين:

Physiology

ندرس في هذا الفرع وظائف الأعضاء فى جسم الانسان وكافة العمليات والأنظمة في الجسم وتنقسم إلي 4 أبواب:

Nutrition – 1

وندرس فيه التغذية والنظام الهضمي وعمليات هضم المواد المختلفة كالكربوهيدرات والبروتينات والدهون والفيتامينات وكيفية هضمها بدئا من الفم والبلعوم وحتي المعدة وأهم عمليات الامتصاص وال metabolism

لكل مادة من هذة المواد وندرس أيضا فصائل الدم

Respiration – 2

وندرس فيها عملية التنفس وأهم الإنزيمات المستخدمة ومكان حدوث عملية تبادل الغازات: الأكسوجين وثاني أكسيد الكربون

3Excretion –

وندرس فيها عملية الإخراج وأماكن حدوثها فمثلا الكلية تخرج اليوريا في البول والجلد لإخراج العرق والرئة لإخراج ثاني أكسيد الكربون

4 – Coordination

وندرس فيها الجهازين العصبي والهرموني وعملية التوافق بينهما وأهم الغدد في الجسم والهرمونات التي تفرزها

خلي بالك:

1-الدكتور بيتكلم بسرعة الصاروخ ولازم تكتب وراه

2-أهم حاجة في المحاضرات الرسومات والمخططات التي يكتبها الدكتور لأنه بيطلبها في الامتحان

Histology&Cytology

وندرس فيه الخلية الحيوانية والأنسجة الموجودة في الجسم وينقسم إلي فرعين رئيسيين:

1- Cytology

علم الخلية حيث يدرس فيه الاعضاء المختلفة والمكونات للخلية كالسيتوبلازم والنواة وغيرهم,وكيفية انقسامها وتدرسRNA وDNA

Histology -2

وهو علم الأنسجة وتدرس أهم أنواع الأنسجة tissues

في الجسم ومنها

epithelial – طلائية

– connective ضامة

-mascular عضلية

– nervous عصبية

وأهمية كل نسيج منهم وتفرعاته المتعددة وصفاته المميزة

بالنسبة للعملي

المكان :الدور الثالث والرابع مبني الحيوان

الزمان:ساعتان أسبوعيا

نظام الدراسة: مقسم لقسمين: في الترم الاول حتعمل حاجة عمرك ما تخيلت إنك حتعملها قبل كده….. حتشرح الضفدعة …. معلش… اتقل ده لسه في صراصير وديدان الترم التاني…. المهم إنك بتشرح أهم الأجهزة المختلفة في الضفدعة زي الأحشاء العامة والجهاز البولي التناسلي والجهاز الوريدي والشرياني وبعد طده حتاخد شرايح لقطاعات عرضية لأنسجة حيوانية مختلفة مع كيفية رسمها وحتتفرج عليهم تحت الميكرسكوب حتلاقيهم في الآخر حوالي 12 شريحة حفظ

بالنسبة لنظام الامتحان

الحيوان ما فيهوش ميد ترم في النظري والترم بيتحدد في الجدول أما العملي فيه ميد ترم في تشريح الضفدعة ويطلبوا منك تشريح جهاز معين وبعد كده إما ترسمه أو يطلبوا منك تكتب البيانات علي رسمة موجودة أصلا,وبعدين حتنسى الضفدعة وفي امتحان الترم حيدوك شريحة ويطلبوا منك ترسمها وحيعدوك علي 5 شرايح ويطلبوا منك تعريفها وتقول لاي حيوان تنتمى

خلي بالك

الاسامي العلمية بتاعة الحيوانت تحفظ مثلا الضفدعة = Bufo regularis

معناها الكلمة معناها الكلمة

Carnivorous آكلات لحوم Zoology علم الحيوان

Herbivorous آكلات نبات Anatomy علم التشريح

Omnivorous آكلات نبات ولحوم Physiology علم وظائف الأعضاء

Coenzyme إنزيم مساعد Abdominal جوفي

Chondrocyte خلية غضروفية Absorption امتصاص

Cephalization تكوين الرأس Achromatic عديم اللون

Deformation تشوه Aquatic مائي

Diploid زوجي Assimilation تمثيل غذائي

Diffusion انتشار Axis محور

Gall-bladder حوصلة صفراوية Binary fission انقسام ثنائي

Hyaline cartilage غضروف زجاجي Capsule محفظة

Mucosa غشاء مخاطي Isogametes أمشاج متساوية

Metabolism تحول غذائي Multiplication تكاثر

Phagocyte خلية آكلة Marrow نخاع

Pancreas بنكرياس Matrix مادة بين خلوية

Rachitis كساح Leucocytes كرية بيضاء

Secretion إفراز Lamellae صفائح

Sensory حسي Larva يرقة

Skeletal هيكلي Lingual لساني

Synapse تشابك عصبي Lip شفة

Stigma بقعة Mitosis انقسام غير مباشر

Thrombosis تجلط Toxic سام

Redness احمرار Villi خملات

Deformation تشوهات Disorder تعب

Bile عصارة صفراوية Buccal فمي

Waxes-fates دهون Intestinal أمعاء

Clotting تجلط Vesicular حوصلي

Columnar معمدة (عامودية) Phogocytosis عملية ابتلاع

Umbilical cord الحبل السري Stellate لحمية

striated مخططة Spleen طحال

النبات

زي ما هو واضح من التقسيمة اللي فاتت مادة النبات تنقسم إلي فرعين :علم التشريح Plant Anatomyوعلم وظائف أعضاء النبات Plant Physiology

Plant Anatomy

حندرس فيها تشريح المكونات المختلفة للنباتات من أول الجذر مرورا بالساق حتي الأوراق وهذا الفرع ينقسم إلي 3 أبواب:

1-Plant Cell

وحندرس فيها الخلية النباتية ومحتوياتها المختلفة التي تنقسم إلي مواد حية ومواد غير حية وندرس أهميتهم وشكلهم ووظيفتهم

2-Plant Tissue

وحندرس فيها بإذن الله أنواع الأنسجة النباتية والتي تنقسم إلي قسمين

– Meristematic Tissueودى بتبقي خلايا قابلة للانقسام

Permenant Tissue-ودى خلايا بتفضل زي ما هي

وكل واحدة من دول لها أنواع حتدرسها بشيء من التفصيل وأكيد التقسيمة اللي في أول الصفحة حتفيدك كتير في عدم التشتيت وتخليك تعرف ساقك من جذرك…. قصدى راسك من رجليك…. معلش…. نبات بأه حنعمل إيه

3-Plant Organs

العنوان واضح حندرس الأعضاء المكونة للنبات من جذور وساق وأوراق وكل واحدة من دول حتدرس شكلها ومكوناتها ووظيفتها

خللي بالك

1- احرص علي اقتناء ورق الدكتور

2-افهم الدنيا ماشية إزاي في المادة ده وتفريعتها المختلفة

3-احذر من اليأس لأن المادة ده مش صعبة… لا دى صعبة أوي ولكن إن شاء الله حتعدي وتجيب امتياز بإذن الله

Plant Physiology

وده الفرع التاني حندرس فيه بعض العمليات الحيوية التي تتم داخل النبات وينقسم بدوره إلي 4 أبواب:

Water relations-1

وهندرس فيها الخواص المائية للخلايا مثلا osmosis

أو الخاصية الأسموزية يعني حركة الماء من وإلي الخلية diffusion يعني الانتشار وهي حركة الجزيئات من التركيز الأعلي إلي التركيز الأقل وحندرس بعض أنواعها المختلفة

2-Enzymes

وفي هذا الجزء هناخد الإنزيمات وتعريفها العلمي وما فائدتها وإزاي تسرع من معدل التفاعلات الحيوية في الخلايا وكمان حندرس تسميتها وبعض أنواعها المختلفة-

Photosynthesis-3

يعني عملية البناء الضوئي ومكان حدوثها ونوعي البناء الضوئي

-light independant &light dependant

وإيه الفرق بين العمليتين وإمته بنستخدم كل واحد فيهم والمنتجات بتاعتهم إيه.

Respiration-4

عملية التنفس واللي بتحصل في الميتوكوندريا وتعريفها العلمي ونوعيها:

aerobic &anaerobic

وبعد كده حنتكلم عن الglycolysis

وهو إن المركب اللى عنده 6 كربونات (Glucose) يتكسر ويدينا مركبين كل واحد فيهم عنده 3 كربون اسمه pyruvic acid

خللي بالك

1-اكتب ورا الدكتور لأن المادة سهلة جدا ولازم تفهم مش تحفظ

2-خللي بالك من المخططات والرسومات

3-خلي بالك من الاسماء المختلفة لنفس العملية مثلا:

Aerobic respiration=Kreb’s cycle=citric acid cycle=TCA(tricarboxylic acid cycle)

ودلوقتي جه دور العملي

المكان :الدور الرابع والخامس من مبني النبات والفيزياء

الزمان :3 ساعات أسبوعيا

نظام الدراسة : في كل سكشن بتاخد تجربتين أو تلاتة في ال

Physiology وفي الAnatomy حتاخد شرائح بتشوفها تحت الميكرسكوب المهم في الأخر الدكاترة بيعملوا مراجعة والعملي بيصفصف تقريبا علي 8 تجارب Physiology

و15 شريحة Anatomy

وبيبقي عندك 6 قطاعات عرضية ورسمهم كبير شوية الستة هما

T.S in monocot leaf

T.S in monocot stem

T.S in monocot root

T.S in dicot leaf

T.S in dicot stem

T.S in dicot root

ولازم تجيلك واحدة منهم في الامتحان ,وفي اتنين منهم بيتلغوا ولازم تسال الدكتور وتتابعه.

= T.S = Transverse section*قطاع عرضى

بالنسبة لنظام الامتحان

فيه امتحان ميد ترم لكل فرع لوحده حسب ما الدكتور يحدد معاده أما امتحان الترم فبيكون فرعين في نفس الوقت وبيبقي سهل ومغطي جميع جوانب المنهج وبإذن الله حتجيب فيه درجة عالية

وخللللللللللللللي بالك من الAnatomy لإن عليه تلتين الدرجة

اللذيذ في المادة دي إن غالبا ما بيبقاش فيه ميد ترم عملي وامتحان الترم بيبقي عبارة عن تجربة أو اتنين Physiology

(ما بتعملهمش بايدك) بتشوفهم وتكتب ملاحظاتك واستنتجاتك

اما الِAnatomy فبيبقي فيه شرحتين أو 3 بتعرفهم ولو طلب رسم ترسمهم وشريحة قطاع T.S بترسمهم رسم مفصل دقيق

Anatomy

properties خواص organism كائن

division انقسام apex القمة

aeration تهوية aerial هوائي

aerobic هوائي anaerobic لا هوائي

binary division انقسام ثنائي collenchyma كولنشيمية

embedded مطمور/مستقر fertilization الإخصاب

gaseous exchange تبادل الغازات grain حبة

impermeable غير منفذ lignified ملجنن

local موضعي minute دقيق

medium وسط(للمعيشة) nectar رحيق

phloem لحاء protoxylem خشب أولي

pit نقرة rubber مطاط

sheath غلاف vascular bundle حزمة وعائية

xylem خشب annular حلقي

thickening تغليظ branch غصن

cambium كمبيوم cork فلين

connective ضام cotyledon فلقة

colony مستعمرة stem ساق

elongation استطالة external خارجي

receptor مستقبل germination إنبات

membrane غشاء internode سلامية

leucoplast بلاستيدة غير ملونة lobed مفصص

mesophyll نسيج متوسط metaxylem الخشب التالى

palisade tissue نسيج دعامى pith نخاع

pericycle الطبقة المحيطة radial قطرى

stomata ثغور spongy إسفنجي

wax شمع zigzag متعرج

Physiology

cell خلية solution محلول

distilled water مياه مقطرة absorbtion امتصاص

diffusion انتشار photosynthesis البناء الضوئي

concentration تركيز isotonic متساوي في التركيز

colloid غروى catalyst محفز

inhibitor مانع organic matter مادة عضوية

fermentation تخمر fixation تثبيت

rate معدل reaction تفاعل

3 dimensional ثلاثي الابعاد minute دقيق

اللغة

اللغة والمصطلحات العلمية مادة –من الآخر- مش هتحضر ولا محاضرة منها ولو فهمت الإنجليزى كويس فى ثانوية عامة هتخش الامتحان وتجيب جيد بإذن الله وطبعا هى مالهاش عملى

بالنسبة للامتحان ما فبش فى اللغة ميد تبرم ولا حتى تيرم يدوبك امتحان فى آخر السنة…. وبس.

وختاما

نرجوا من الله –عز وجل- أن تكون هذه المذكرة عند حسن ظنكم أن تكونوا قد استفدتم منها ونحب أن نختمها ببعض النصائح اللى ممكن تنورلك الطريق فى سنة أولى جامعة

1-استعن بالله ولا تعجز واعلم أن أمتك منتظرة منك الكثير فلا تخذلها.

2-احترام الدكاترة والأساتذة واجب شرعى.

3-جدد نيتك كل فترة وأنت ذاهب للكلية وفى المحاضرة وأثناء المذاكرة تطبيقا لحديث النبى – صلى الله عليه وسلم – “طلب العلم واجب على كل مسلم”.

4-خد بالك من صحابك خصوصا وإنت فى أول سنة فى الجامعة.

2 thoughts on “pre-pharmacy year

  1. salamou alikoum , I am glad that I found this nice page. i need a piece of help from you. could you please send me an email with the content of the pre-pharmacy year? i mean the names of subjects with the number of hours in each subject?

    thank you very much

Leave a Reply "personal info is optional "

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s